БАЛАЛАРДЫ ОРТА БІЛІМ БЕРУ ҰЙЫМДАРЫНА ОҚУҒА ҚАБЫЛДАУ ЖАЛҒАСУДА

БАЛАЛАРДЫ ОРТА БІЛІМ БЕРУ ҰЙЫМДАРЫНА ОҚУҒА ҚАБЫЛДАУ ЖАЛҒАСУДА

2024-2025 оқу жылына оқушыларды 1 сыныпқа қабылдау 31 тамызда аяқталады. Балаларды мектепке қабылдау тәртібі 2018 жылғы 12 қазандағы № 564 бұйрықпен бекітілген Үлгілік қағидаларда айқындалған. Қазақстан Республикасының кейбір заңнамалық актілеріне білім беру, тәлімгерлік және балалардың қауіпсіздігі мәселелері жөніндегі Заңына сәйкес лицейлер мен гимназияларға бірінші сыныпқа қабылдау кезінде емтихан өткізуге тыйым салатын ереже енгізілді. Барлық балалар, дайындық деңгейіне қарамастан, тең мүмкіндіктерге ие болады. 

       Құжаттарды мемлекеттік egov.kz электрондық үкімет қызметі, жергілікті атқарушы органдардың ақпараттық жүйелері арқылы тапсыруға болады.  Бірінші сыныпқа алты жастағы және күнтізбелік жылда алты жасқа толатын балалардың ата-анасының немесе баланың заңды өкілінің өтініші негізінде қабылданады.

       Ағымдағы жылда Оқу-ағарту министрлігімен egov.kz «электрондық үкіметтің» веб-порталы арқылы мемлекеттік қызметтің бизнес-процесі жаңартылды: 

- микроучаскеге байланысты автоматты түрде мектепті таңдау қарастырылған;

- сынып жинағы автоматты түрде қалыптасады;

- білім беру ұйымымен келісім-шарт «электрондық үкімет» порталы арқылы электрондық форматта жасалатын болады (бірінші сыныпқа қабылдау туралы бұйрықтан кейін ата-анаға білім беру ұйымымен отыруға келісім-шартқа танысу және қол қою үшін СМС хабарлама келеді.

№48 ЖОББМ мекен-жайы: Достық көшесі №19

Байланыс телефондары: 8 (72632) 4 36 67