27
август
2025
«Білім беру саясаты мен 2025 – 2026 оқу жылындағы мектептің басым бағыттары»
2025 жылдың 27 тамыз күні №48 жалпы орта білім беретін мектебінде «Білім беру саясаты мен 2025 – 2026 оқу жылындағы мектептің басым бағыттары» тақырыбында №1 педагогикалық кеңес өткізілді. Педагогикалық кеңеске "ӨРЛЕУ" БАҰО" АҚ Жамбыл облысы бойынша Кәсіби даму институтының аға оқытушысы Райымбекқызы Ақжарқын, аудандық білім бөлімінің әдіскері Абенова Ләззат Ақылбекқызы қатысты. Педагогикалық кеңестің отырысын кеңес төрағасы мектеп директоры Б.Ахметбеков ашып, күн тәртібіндегі мәселермен таныстырды. Сонымен қатар педагогикалық кеңесті өткізудің регламентін бекітті. Отырыстың негізгі бөлімінде мектеп директорынының орынбасарлары мен әлеуметтік педагогтың баяндамалары тыңдалды. Күн тәртібіндегі әрбір мәселе бойынша талқылау ұйымдастырылды, оның барысында педагогикалық кеңес мүшелері ұсыныстар енгізді. Қабылданған барлық шешімдер педагогикалық кеңестің хаттамасында тіркелді. Хаттаманы педагогикалық кеңестің хатшысы А.Кинбаева жүргізді. Педагогикалық кеңестің қорытынды бөлімінде мектеп директоры Б.Ахметбеков қаралған мәселелер бойынша қорытынды жасады.
