Қазақстан Республикасы Тәуелсіздігінің 30 жылдық мерекесіне орай «Тәуелсіздік – таң нұры» тақырыбында мерекелік концерт

2021 жылдың 15 желтоқсан күні № 48 жалпы орта білім беретін мектебінде өткізілді.
Мектебіміздің директоры Ахметбеков Берік Ахметбекұлы жылы лебіздерімен мерекелік концертті ашып, ары қарай құттықтау сөз кезегі білім беру саласындағы ұзақ жылғы жемісті еңбектері және жас ұрпақты оқыту мен тәрбиелеуде біраз жетістіктерге жеткен аяулы ардагер ұстаздарымыз Ұлжан Мұхтарқызы мен Галина Антоновнаға берілді.
Ерлеріміз арқасында Қазақстан егеменді ел болып, дүние жүзіне танылуда. Біздің отанымыз Егеменді тәуелсіз Қазақстан Hеспубликасы. Тарих бізге тәуелсіздікті Тарту етті. Енді біздің парызымыз—ұлттық рәміздерді қастерлеу, тәуелсіз мемлекетімізді өркениетті елдер қатарына қосу, мәдениетің биік шыңына көтерілу.
Тәуелсіздіктің 30 жылдығына орай мерекелік концерттік бағдарламада Қазақстан - Отаным», «Тәуелсіз қазақтың қызымын» әні, Қойлыбекова Ұлжанның орындауында «Жаса Қазағым» әні, « Ұлжан » би ансамблінің орындауында «Ұйғыр» биі, «Туған ел» әні шырқалды.
«Тәуелсіздік Тарландары» музыкалық композициялық көрініс, «Қайрат, қайғың сенің қазағымның жүрегінде» сахналық көрініс қойылды.
Меркелік концертке мектеп ұжымы мен мектеп оқушылары және ардагер ұстаздар қатысты.