03
декабрь
2021
«Біз -тәуелсіз еліміздің болашағымыз» атты бастауыш сынып пән бірлестігі айлығының ашылу салтанаты
«Біз -тәуелсіз еліміздің болашағымыз»
Білімнің сара жолы мектептен басталады, ал білімнің алғаш есігін ашатын кілті – бастауыш екенін барлығымыз білеміз. Оқуға,санауға, есептеуге үйреніп, білімге деген құмарлығымызды бастауыштан бастаймыз.
Бүгін 03.12.2021ж. «Біз -тәуелсіз еліміздің болашағымыз» атты бастауыш сынып пән бірлестігі айлығының ашылу салтанаты өтті. Бастауыш сынып мұғалімдері Г. Нуржигитова мен Р.Каракулованың ұйымдастырумен өткізілген іс-шара концерттік бағдарламаға ұласты.
Бастауыш сынып пән бірлестігі айлығының ашылуында алғашқы құттықтау сөз мектеп директоры Б.Ахметбековке берілді.
Бастауыш қазақ, орыс сыныптарының білім алушылары айлықтың ашылуына белсене қатысты. Атап айтсақ, «Қазақстан-Отаным» әнімен Джолдыбек Дариға, «Тәуелсіз қазақтың қызымын» әнімен Әділхан Айсұлу, «Біз өнерлі баламыз» әнімен Жорабек Жансая, «Кел балалар оқылық» әнімен Асылмұратұлы Диар мен Айтбаева София, «Оқуда озат боламын» әнімен Қонсбай Рамазан «Туған ел» әнімен Тұяқбай Айзере өз өнерлерін ортаға салды. Сонымен қатар, 1-4 сынып білім алушылары Тәуелсіздіктің 30 жылдығына арналған өлең шумақтарын мәнерлеп оқыды. 1 сынып қыздары «Бипыл» биін, 4 сынып білім алушылары қазақ билерін, 3 сынып оқушылары флэшмоб биледі. Аталған концерттік бағдарлама соңында мектеп әкімшілігі сөз сөйлеп, жылы лебіздерін білдірді.
Бастауыш сынып мұғалімдеріне алдағы айлық жоғары дәрежеде өтеді деген сеніммен тек шығармашылық табыстар тілейміз!
