2021-2022 оқу жылының 1-жартыжылдығына Мониторинг

№48 жалпы орта білім беретін мектебі білім алушыларыдың рационы бойынша бірыңғай стандарттарды (төрт апталық ас мәзірі енгізуді іске асыру және білім алушылардың тағамын ұйымдастыруды жетілдіру жұмысы бойынша 2021-2022 оқу жылының 1-жартыжылдығына МониторингОйтал ауылы 15.12.2021 жыл
Мектепте болған кезінде балалардың ыстық тамақ ішуі - олардың денсаулығы мен тиімді оқу қабілетін қолдаудың маңызды шарттарының бірі.Толыққанды және үйлесімді тағам - бала организмінің қалыпты қызмет етуінің маңызды шарты, әсіресе, өсу және даму кезеңінде.7-18 жас аралығындағы кезеңді бала мектепте өткізеді, нақты ол кезеңде организмің қарқынды соматикалық өсуі орын алады, бұл ақыл-ой және дене жүктемелерінің артуымен қосарланады.Мектеп асханасында тамақтануды ұтымды ету өскелең ұрпақтың денсаулығының дұрыс қалыптасуына ықпал етеді.Толыққанды және үйлесімді тағам аурулардың алдын алуға, балалар мен жасөспірімдердің жұмысқа қабілеті мен оқу үлгерімін арттыруға, денелік және ақыл-ойының дамуына ықпал етеді, олардың замануи өмірге бейімделуіне жағдай жасайды.
№48 жалпы орта білім беретін мектебінде білім алушылардың тағам рационы бойынша бірыңғай стандарттарды (төрт апталық ас мәзірін) енгізуді іске асырудың және білім алушылардың тағамын ұйымдастыруды жетілдірудің нәтижелі болуына қол жеткізу үшін асхана тағамына ұдайы мониторинг жүргізіліп отырылады.Мектеп тағамына мониторинг өткізуді іске асыру ас мәзірін бағалауды оңтайландыру тұрғысында мақсатқа сай келіп отыр.Мектеп білім алушыларының тағам рационы бойынша бірыңғай стандарттарды (төрт апталық ас мәзірін) енгізуді іске асыру жұмысы бойынша мониторинг барлық ақпараттың анықтығы мен қол жетімділігі, алынған нәтижелерді жалпы білім беретін ұйымдарда оқушылардың тағамын ұйымдастыруды жетілдіру үшін қолдану, мектеп білім алушыларының тағамын ұйымдастыруды жетілдіру үшін мониторингті өткізуге мақсаттық индикаторлар (өлшемшарттар) әзірленген 8-ші кесте және мектеп тағамы сапасының нәтижесін әсер ететін факторларды анықтауға қажетті ақпаратты алуға мүмкіндік беретін «Тағамға ата-аналардың көзқарасы», «Тағамға балалардың көзқарасы» атты сауалнамалар мен Ережелерге сүйену арқылы жасалып отыр.

8 кесте. Мектеп білім алушыларының тағам рационы бойынша бірыңғай стандарттары (төрт апталық ас мәзірін) енгізуді іске асыруды бағалауға мақсаттық индикаторлар

2021 жылғы шілде-тамыз айларында мектептің әлеуметтік қызметі 2021-2022 оқу жылында мектеп асханасында білім алушыларды бір мезгіл тегін тамақпен қамту мақсатында аз қамтылған отбасынан шыққан балалардың тізімін анықтап, 2021 жылдың 27 тамызындағы мектептің педагогикалық кеңесінде Қазақстан Республикасы Білім және ғылым министрінің 2020 жылғы 24 сәуірдегі №158 бұйрығымен бекітілген «Жалпы білім беретін мектептерде білім алушылар мен тәрбиеленушілердің жекелеген санаттарына тегін және жеңілдетілген тамақтандыруды ұсыну» мемлекеттік қызметті көрсету қағидаларына сәйкес анықталған 48 аз қамтылған отбасынан шыққан 102 (жүз екі) білім алушы мектеп асханасында бір мезгіл тегін тамақпен қамтылатын балалар тізіміне енсін деген шешім қабылданып, көрсетілетін қызметті алушылардың (ата-аналардың) құжаттары аталған қағида талаптарына сай жинақталды. Аталған бағытта жұмыстар атқару мақсатында 17.08.2021 жылы №85 бұйрық қабылданып, жылдық атқарылатын жұмыс жоспары құрылып, жоспар мектеп басшысымен бекітілді.
Жалпы 102 білім алушының ішінен әлеуметтік санаттарына қарай 65 (алпыс бес) білім алушы – атаулы әлеуметтік көмек жәрдемақысы тағайындал отбасында тәрбиеленуіне байланысты, қалған 37 (отыз жеті) білім алушы – тұрмыс жағдайы төмен, аз қамтылған отбасында тәрбиеленуіне байланысты, педагогикалық кеңестің шешімінің негізінде тізімге енді. 102 баланың 50-і (елуі) I- ауысымда оқыса, қалған 52-сі (елу екі) II- ауысымда оқуда.2021 жылдың 6 қыркүйегінде 3 (үш) білім алушы аудан және республика көлемінде орналасқан білім ошақтарына ауысуына байланысты, бүгінгі күні 99 (тоқсан тоғыз) білім алушы мектеп асханасында бір мезгіл тегін тамақпен қамтылуда.
Құрамында 7 мүшесі бар мектеп директорының 31.08.2021 жылғы №91 бұйрығы негізінде құрылған тамақтандырудың сапасына мониторинг жүргізу жөніндегі комиссияның құрамы мектеп асханасында білім алушылардың ата-ана есебінен және тегін тамақпен қамтылуын апта сайын қадағалап, тексеріп отырады. Комиссия төрағасы болып мектеп директоры Б.Ахметбеков бекітілсе, құрамына білім алушылардың тегін және ата-ана есебінен тамақпен қамтылу жұмысына жауапты маман, директордың оқу-тәрбие ісі жөніндегі орынбасары А.Асилбекова, мектептің медицина қызметкері Х.Бабатова, кәсіподақ төрайымы А.Бейсембетова, ата-аналар комитетінің төрайымы Г.Даулетбаева, қамқоршылық кеңесінің мүшесі Б.Ниязалиева мен мектептің әлеуметтік педагогы М.Маделиев кірді. Тексеріс нәтижелері мектептің әлеуметтік педагогы тарапынан тексеру журналына жазылып, жүргізілген, өткізілген түрлі іс-шаралар мектептің интернет ресурсындағы «Мектептік тамақтандыру» айдарына үздіксіз салынып отырылады.
Тексеру барысында комиссия тобы біріншіден асхананың санитарлық жағдайын, оның ішінде карантиндік шектеу шараларына байланысты асханада келушілер арасында кемінде 2 метр арақашықтықты сақтау, асхананың толымдылығы 30%-дан артық болмау және білім алушылардың өзіне-өзі қызмет көрсетуге тыйым салыну шартын сақтау; екіншіден тамақтану кезінде білім алушылардың санитарлық-гигиеналық тазалық талаптарын сақтауын, жеткізілген тамақ өнімдерінің сапасын, тағам өнімдерінің және дайын болған тағамдардың сапасы мен олардың сақталуын, сонымен қатар балаларды сапалы тамақпен қамту, балалардың денсаулығының қауіпсіздігін қамтамасыз ету жұмыстарын; үшіншіден тағамдарды дайындау технологиясында тоңазытқыш-технологиялық жабдықтардың жарамдылығын тексеріп отырады.Асхана аспазшысы А.Мәжібаева мен оның көмекшісі Ж.Бектұрова өз қызметтерін жауапкершілікпен атқарып, тамақтануға келушілердің жылы лебізіне, ризашылығына бөленуде.
Асхана жұмысы мен балалардың тегін және ата-ана есебінен тамақтануы карантин кезеңінде мектепте тамақтандыруды ұйымдастыру барысындағы шектеу іс –шаралары туралы Қазақстан Республикасы Білім және ғылым министрлігінің 2021 жылғы 13 тамыздағы №3-15-2/3162-И мен Жамбыл облысы әкімдігінің білім басқармасының 2021 жылғы 16 тамыздағы №03-4644 хаттары мен Қазақстан Республикасы Бас мемлекет тік санитарлық дәрігерінің 2121 жылғы 25 тамыздағы №36 қаулысына сай жүзеге асырылуда.