08
ноябрь
2022
Кезектен тыс педагогикалық кеңес
8.11.2022 жылы №48 жалпы орта білім беретін мектебінде кезектен тыс педагогикалық кеңес өткізілді. Күн тәртібінде: "Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы" Қазақстан Республикасы Білім және ғылым министрінің 2012 жылғы 8 қарашадағы № 500 бұйрығына енгізілген" өзгерістермен таныстырды. ДОТІЖО А.Асилбекова оқыту қазақ тілінде жүргізілетін сыныптарға арналған бастауыш білім берудің үлгілік оқу жоспарымен, негізгі білім берудің үлгілік жоспарымен таныстыра отырып, ешқандай өзгерістер жоқ екенін атап өтті. Сонымен қатар 10-11 сыныптарда оқыту қазақ тілінде жүргізілетін жаратылыстану - математикалық бағыты бойынша инварианттық компоненттен берілген оқу жүктемесі 32 сағат (өзгеріссіз), вариативтік компонентінен берілген жаһандық құзіреттілік 1 сағат (өзгеріссіз), элективті курстан 1 сағат қосылды. (яғни элективті курс 2 сағат) ең жоғарғы оқу жүктемесі – 35 сағатты құрайды. Оқыту орыс тілінде жүргізілетін жаратылыстану математикалық бағыты бойынша инварианттық компоненттен берілген оқу жүктемесі 34 сағат (өзгеріссіз), Вариатаивтік компонентінен берілген жаһандық құзіреттілік 1 сағат (өзгеріссіз), элективті курстан 1 сағат қосылды. Ең жоғарғы оқу жүктемесі – 36 сағатты құрайды. Оқыту қазақ тілінде жүргізілетін қоғамдық - гуманитарлық бағыты бойынша инварианттық компоненттен берілген оқу жүктемесі 31 сағат берілді. Оның ішінде физика – 2 сағат (1 сағат), Химия – 2 сағат (1 сағат), Биология - 2 сағат (1 сағат). Жалпы - 3 сағат. Вариативтік компонентінен берілген жаһандық құзіреттілік 1 сағат (өзгеріссіз), элективті курстан 4 сағаттың 2 сағаты қысқарды. Ең жоғарғы оқу жүктемесі – 34 сағатты құрайды (+1 сағат). Мектептердің білім беру үдерісін ұйымдастырудағы өзгерістер педагогикалық ұжымға толық түсіндіріліп, талқылау жүргізілді.
