16
январь
2023
«Lesson study – білімді жетілдіруге бағытталған педагогикалық ынтымақтастық» тақырыбында мектепішілік семинар
«Білімді ұлт» сапалы білім беру» ұлттық жобасының жұмыс жоспарына сәйкес 13.01.2023 жылы №48 жалпы орта білім беретін мектебінде педагогтар арасында «Lesson study – білімді жетілдіруге бағытталған педагогикалық ынтымақтастық» тақырыбында мектепішілік семинар өткізілді. Мақсаты: оқушыларға білім алуға көмектесу, топ мүшелерінің кәсіби дамуына ықпал ету болып табылатын желілік қоғамдастық аясында іске асыру, Lesson study мүмкіндіктерін педагог тәжірибесінде қолдану. Семинарды мектеп директоры Б.Ахметбеков алғы сөзбен ашты. Келесі болып сөз кезегін директордың оқу-тәрбие ісі жөніндегі орынбасары А.Асилбекова алып, өз сөзінде мектепішілік Lesson study жобасы бойынша атқарылатын іс-шараларды таныстырды.
Семинар екі бөлімнен құралды:
І бөлім:
1. Тарих пәнінің мұғалімі А.Кушембаева «Lesson study – білімді жетілдіруге бағытталған педагогикалық ынтымақтастық» тақырыбында таныстырылым жасады.
2. Қараша – желтоқсан айларында мектепте өткізілген Lesson study зерттеу сабақтарының қорытындысы талқыланды. Swot – талдау сауалнамасы алынды.
3. Қаңтар айына Lesson study зерттеу сабағының сыныптары таңдалды.
4. Фокус топтар құрылып, мүшелері таныстырылды.
5. Мектеп психологтары «Менің шұғылалы бейнем» тақырыбында тренинг жүргізді.
ІІ бөлім:
1. Педагогтардың ақпараттық сауаттылықтарын арттыру мақсатында «Kahoot» платформасында тест тапсырмаларын әзірлеу, жұмыс істей білу жолдары таныстырылды.
2. Педагогтарды аттестаттаудан өткізудің 1-ші кезеңі педагогтерде электронды портфолионың болуы талабын орындау мақсатында «Google формада» электронды портфолио дайындаудың жолдары түсіндіріліп, көрсетілді.
Семинар қорытындысы жасалып, «мұғалім үні» сауалнамасы алынды.
