21
ноябрь
2023
"Мамандықтың бәрі жақсы"
2023 жылдың 21 қараша күні білім алушылардың ойлау қабілеттерін дамыта отырып, болашақ мамандыққа байланысты ұғымдарын тереңдетіп, қызығушылықтарын арттыру мақсатында 1-4 сынып білім алушыларға мамандық түрлерімен таныстырылу өткізілді. "Мамандықтың бәрі жақсы" атты тақырыбы бойынша видео презентация көрсетілді. Әр түрлі мамандық түрлеріне жеке тоқталып түсіндіре отырып, еңбек адамдарына құрмет сезіммен қарауға, қызығушылықтарын арттыруға, үлкендердің еңбегін бағалап, құрметтеу керек екендігі туралы түсіндірілді. Білім алушылардың бойына жақсы қасиеттерді сіңіре отырып, мамандық таңдай білуге байланысты бағыт бағдар берілді. Мамандықтың түрлері өте көп екендігін ескерте отырып, жеке- жеке тоқталып, түсіндірілді. Дәрігер, мұғалім, ұшқыш, тәрбиеші, құрылысшы, шаштараз, жүргізуші, аспаз, әнші, биші, журналист, т. б көптеген мамандықтардың бар екендігі, мамандықтың жаманы жоқ, тек оны дұрыс таңдай білу керектігін, қалаған мамандықтың иесі болу үшін еңбексүйгіштік пен білімділік, үлкен өнер мен зор шеберлікті қажет ететіндігі туралы түсіндірілді. Видео презентация көрсету кезінде білім алушылардың көкейіндегі қойылған сұрақтарды да қамтып, әрбір қойылған сұраққа жауап берілді.
Шаштараз - бұл мамандық иесі адамдардың шашын қиып сәнін келтіреді.
Дәрігер - ақ халатты абзал жан, адам баласының арашасы емдейді шипасын тигізеді.
Мұғалім - әріп үйретіп, білім нәрімен сусындататын абзал адам.
Аспазшы - дәмді тағам пісіретін(маман иесі).
Жүргізуші - баратын жеріңе тез жеткізіп салатын, адамға қамқор болатын жан.
Құрылысшы - зәулім ғимараттар, қабат - қабат үйлер салатын маман иесі туралы білім алушылардың сұрақтарына жауап берілді.
Міне мамандық иесінің өзіндік ерекшелігі, әр маманның өзіне тиесілі жұмыстарымен шеберліктерімен ерекшеленетінін түсінді.
