07
декабрь
2023
Ашық есік күні
2023 жылдың 7 желтоқсан күні «Үштік қадам» жобасы аясында Тараз қаласындағы М.Х.Дулати атындағы Тараз өңірлік Университетімен меморандум негізінде ұйымдастырған ашық есік күніне мектебіміздің 9,10 сынып білім алушылары және кәсіптік бағдар беруші педагог М. Музарапова қатысты. Білім алушыларға болашақ мамандық және оқу бағдарын таңдауға көмектесу, мамандық әлемі және оның ерекшіліктері туралы дүниетанымын кеңейту. М.Х.Дулати атындағы университетінің кәсіптік бағдар беруші педагогы Алмагуль Базарбайқызы мамандық түрлерімен таныстырып және аталған оқу орнының мамандықтар мен мемлекет тарапынан берілетін гранттар мен жеңілдіктер туралы мағлұмат берді. Болашақта сұранысқа ие болатын мамандықтарға шолу жасады. «Химия және инженерия», 6В02112- «жарнама дизайны», В07212 – «киім индустриасы», 6В02113 – «интерьер дизайны», В051 «қоршаған орта», В062 «электроника және энергетика», В064 «механика және металл өңдеу», В065 «автокөлік құралдары» В 071 «тау кен ісі және пайдалы қазбаларды өндіру», В074 «қала құрылысы», В075 «кадастр және жерге орналыстыру», В077 «өсімдік шаруашылығы» мамандықтары туралы түсіндіріп берді. Білім алушылар өздерін қызықтырған сұрақтар қойып, нақты жауаптарын алды.
