«Үздік пән кабинеті - 2025»
2024-2025 оқу жылының ғылыми-әдістемелік жұмыс жоспарына сәйкес «Үздік пән кабинеті - 2025» байқауы өткізілді. Мақсаты: педагогтердің кәсіби деңгейін арттыру, кәсіби педагогикалық шығармашылықтарын ынталандыру және инновациялық идеялар мен жетістіктерді насихаттау.
Байқау ережесіне сәйкес кабинет меңгерушілері кабинет төлқұжатын, даму жоспарын және кабинет қауіпсіздігінің ережесі мен журналын көрсетті. Сонымен қатар мектеп әкімшілігінен құралған комиссия мүшелері кабинеттің жабдықталуын (стендтердің болуы, гүл отырғызу, кабинеттің санитарлық ережелер мен нормаларға сәйкес болуы), кабинеттің эстетикалық безендірілуін, кабинет кітапханасы мен әдістемелік құралдар қорынының (әдістемелік бұрыштар, көрнекі құралдар қоры, электронды құралдар, тақырыптық папкалар) болуын тексерді. Атап өту керек, байқауға дайындық барысында кабинеттердің стендтері жаңартылып, дидактикалық көрнекіліктер қоры толықтырылған.
Байқау нәтижесі бойынша №14 «Бастауыш» кабинеті «Үздік пән кабинеті-2025» атанды. I орынды №9 «Көркем еңбек» кабинеті, II орынды №28 «Информатика» кабинеті, III орынды №11 «Мектепалды сынып» кабинеті мен Спорт зал иеленді. Кабинет меңгерушілеріне арнайы дипломдармен бірге электронды және қабырға сағаттары сыйға берілді.