22
апрель
2021
«Бүгінгі жас маман – болашақ білікті ұстаз» атты жас мамандар онкүндігі
«Бүгінгі жас маман – болашақ білікті ұстаз» атты жас мамандар онкүндігі
Мұғалімдікке жас талапкерлерді тарту – қоғамымыздың өзекті мәселесіне айналған еді. Осы орайда ұстаздықты жүрек қалауымен таңдап, жоғары және орта арнаулы оқу орындарын ойдағыдай аяқтап, ортамызға келіп, өз еңбек жолдарын бастап та кетті. Осыған орай бүгін №48 жалпы орта білім беретін мектебінде «Бүгінгі жас маман – болашақ білікті ұстаз» атты жас мамандарға арналған онкүндіктің ашылу салтанаты өтті.
Кешті мектебіміздің директоры Ахметбеков Берік Ахметбекович ашып, жас мамандарға деген өзінің ізгі тілегін білдірді.
Онкүндіктің ашылу барысында мектебіміздің жас мамандарының жетекшілігімен оқушылар өз өнерлерін ортаға салды. Сонымен қатар «Робототехника» курсының жетекшісі Абжанов Береке өз шәкірттерімен жасаған жұмыстарын ортаға салып, көпшілікке көрсете білді. Мектепалды даярлық сынып мұғалімі Айтбаева Саида, орыс тілі мен әдебиеті пәні мұғалімі Мақаметқұл Алма және қазақ тілі мен әдебиеті пәні мұғалімі Кыдыркулова Мадинаның оқушылары мәнерлеп өлең оқыды. Психолог Музарапова Меруерт көрермендермен бірге тренинг жүргізді. Дене шынықтыру пәнінің мұғалімдері Раев Қуандық, Исаев Жасұлан, Садыхаханов Алимхан 5-6 сынып оқушылары арасында қолкүрестен жарыс өткізді. Ануарбек Темірлан мен Олжабай Асылханның оқушылары спорттық би биледі. Музыкалық жетекші Көктеубай Досжан өз шәкірттерімен өнер көрсетті. Жас мамандардың ұйымдастыруымен өткізілген іс-шара жоғары дәрежеде өтті.
