Тамақтандырудың сапасына мониторинг жүргізу жөніндегі (бракераж) комиссияның мектеп асханасының жұмысын бақылау

Біздер, №48 жалпы орта білім беретін мектебінің тамақтандырудың сапасына мониторинг жүргізу жөніндегі (бракераж) комиссия мүшелері: төраға, мектеп директоры Б.Ахметбеков, мүшелері: директордың оқу-тәрбие ісі жөніндегі орынбасары А.Асилбекова, ата-аналар комитетінің төрайымы Г.Даулетбаева, қамқоршылық кеңес мүшесі Б.Ниязалиева, мектептің кәсіподақ ұйымының төрайымы А.Бейсембетова, медициналық қызметкер Х.Бабатова мен әлеуметтік педагог М.Маделиев 2022 жылдың 25 ақпанында аталған комиссияның жылдық жоспарына сәйкес мектеп асханасында Қазақстан Республикасы Білім және ғылым министрлігінің 2021 жылдың 13 тамыздағы №3-15-2/3162-И және Жамбыл облысы әкімдігінің білім басқармасының 2021 жылғы 16 тамыздағы №03-4644 хаттары мен Қазақстан Республикасының Бас мемлекеттік санитарлық дәрігерінің 2021 жылғы 25 тамыздағы №36 қаулысында көрсетілген шектеу іс –шараларының талаптарын, оның ішінде карантин кезіндегі мектепте тамақтандыруды ұйымдастыруда қойылған талаптардың сақталып, орындалуын тексердік.Іс-шара барысында бірінші кезекте асхананың санитарлық тазалығы, асхананың толымдылығы 30%- тан артық болмау шарты, әлеуметтік қашықтықты сақтау, үстелдер мен келушілер арасындағы қашықтық кемінде 2 метр болуы, едендегі белгілер, қоршаулар, тосқауыл таспалар жүргізілуі, тамақтанарда білім алушылардың санитарлық-гигиеналық тазалық талаптарын сақтауы, ас мәзірінің дұрыс әзірленуі, сақталуы, аспазшылардың тазалығы, тағам дайындау технологиясында тоңазытқыш-технологиялық жабдықтардың жарамдылығы тексеріліп санитарлық талаптарды сақтау бойынша кемшіліктер анықталмады. Алайда асхананы материалдық жабдықтау жұмысында асхана терезелеріне арнайы торлар (сетка) орнату қажеттігі мен сұйық тағамдарды пайдаланатын ыдыстардың (бокалдар) қолданысқа жетіспеушілігі анықталды.
Бүгінгі күнде мектеп асханасында аз қамтылған отбасында тәрбиеленіп отырған 130 (жүз отыз) бала 2 ауысымда бір мезгіл тегін тамақпен қамтылып отыр.
Тексеріс нәтижесі комиссияның жүргізген тексерулерін тіркеу туралы журналына жазылып, мектеп директорымен бекітілді.Асхананың тазалығы мен дайындалған тағамдардың сапасына лебіз және арыз-шағымдарды тіркеу журналына ата-аналар тарапынан шағым тіркелмеген.
Аталған жағдай туралы акт толтырылды.