9-10 сынып пән мұғалімдеріне және IT маманға «Мектептерге арналған PISA» халықаралық зерттеуі туралы ақпарат беру
2025 жылдың 10 қараша күні 9-10 сынып пән мұғалімдеріне және IT маманға «Мектептерге арналған PISA» халықаралық зерттеуі бойынша түсіндіру жұмыстары жүргізілді. Іс-шара мектеп директорының міндетін атқарушы Б.Ахметбековтың қатысуымен, директордың ғылыми ісі жөніндегі орынбасары К.Айдарбекованың ұйымдастыруымен өткізілді. Б.Ахметбеков №48 жалпы орта білім беретін мектебінің «Мектептерге арналған PISA» халықаралық зерттеуіне түскендігін және 24 қараша мен 5 желтоқсан аралығында болатынын айтты. Сонымен қатар зерттеуге дайындық пән мұғалімдеріне жүктелетінін, 15 жас 3 ай мен 16 жас 2 ай аралығындағы іріктеліп алынған оқушылардың барлығының зерттеу дайындығына толық қатысуы сынып жетекшілеріне тапсырылатыны да айтылды.
«Мектептерге арналған PISA» халықаралық зерттеуі туралы К.Айдарбекова пән мұғалімдері мен IT маманға қысқаша мағлұмат беріп өтті. Маман алдымен PISA негізгі зерттеуі мен «Мектептерге арналған PISA» зерттеуінің айырмашылығына тоқталды. Аталған зерттеулер 15 жастағы оқушылардың математикалық, оқу, жаратылыстану сауаттылығымен қоса, цифрлық сауаттылық мен креативті ойлауын зерттеуге негізделгенін түсіндірді. Оқушыларға берілетін тапсырма үлгілерін көрсетті. Тапсырмалар оқушылардың ақпаратты талдау, бағалау, қорытынды жасау және проблемаларды шешу қабілеттерін өлшейтіні, жай есте сақтау емес, ойлау дағдылары бағаланатыны ескертілді. Барлық тапсырмалар нақты өмірлік жағдайларға негізделгендіктен, оқушылар мектепте алған білімдерін күнделікті өмірде қалай қолдана алатынын көрсететін болады. PISA тапсырмаларына оқушыларды дағдыландыру мақсатында дайындық жүргізу керектігі айтылып, 6 пән (математика, қазақ тілі (орыс сыныптарында орыс тілі), биология, химия, география, физика) бойынша бекітілген қосымша дайындық кестесімен таныстырды. Зерттеу күні тест ұзақтығы 2 сағатты құрайды және үш негізгі бөлімнен тұрады. Әр бөлім оқушының әр түрлі құзыреттіліктерін терең бағалауға арналған. Тест толығымен компьютерде өтетіндіктен, К.Айдарбекова IT маманды «Мектептерге арналған PISA» зерттеуін өткізуге арналған компьютерлерге/ноутбуктарға қойылатын техникалық талаптармен таныстырып өтті. Маман сонымен қатар интернет жылдамдығын да бақылауда ұстауды тапсырды.
