27
октябрь
2022
«Халықаралық зерттеулер тапсырмасын Google формада жасау жолдары»
№48 жалпы орта білім беретін мектебінің халықаралық зерттеулерге дайындық жұмыстарының жылдық жоспарына сәйкес пән мұғалімдеріне «Халықаралық зерттеулер тапсырмасын Google формада жасау жолдары» көрсетілді. Аталған іс-шара директордың ғылыми ісі жөніндегі орынбасары К.Айдарбекова мен информатика пәнінің мұғалімі К.Аманова тарапынан ұйымдастырылып, PISA, TIMSS, PIRLS зерттеулеріне дайындық жұмыстарын жүргізетін мұғалімдер қатысты. Іс-шараны мектеп директоры Б.Ахметбеков алғы сөзімен ашып беріп, 2021-2025 жылдарға арналған "Білімді ұлт" сапалы білім беру" ұлттық жобасын бекіту туралы Қазақстан Республикасы Үкіметінің 2021 жылғы 12 қазандағы № 726 қаулысының 2-міндетіне сәйкес халықаралық зерттеулерге дайындық жұмыстары күн тәртібінен түспейтін мәселе екенін айтып өтті. К.Айдарбекова халықаралық зерттеу тапсырмаларын Google формада жасаудың қаншалықты тиімді екенін, оқушылар жұмысының нәтижесін оңай алуға болатынын, әсіресе жаратылыстану бағытындағы пәндерге ортақ тапсырмалар қорын жасауға ыңғайлы екенін түсіндіріп өтті. 4 сынып мұғалімдеріне PIRLS зерттеуінің мәтіндерін Google формада жасап оқушыларға ұсынуға болатыны айтылды. К.Аманова пән мұғалімдеріне тапсырмаларды Google формада жасаудың әр қадамын көрсетіп қана қоймай, басқа да интернет платформаларын қолдануды көрсетті. Пән мұғалімдері ноутбукпен тест құрастырып өзара іс-тәжірибе алмасты. Іс-шара соңында барлық қатысушылар Padlet тақтасы арқылы кері байланыс жасады.
