Дұрыс тамақтануды насихаттау және тамақтану мәдениетін қалыптастыру туралы БҰЙРЫҚ
Жамбыл облысы әкімдігінің білім басқармасы Меркі ауданының білім бөлімінің
«№48 жалпы орта білім беретін мектебі»
коммуналдық мемлекеттік мекемесі
№____ бұйрық
Ойтал ауылы 12.09.2025 жыл
«Дұрыс тамақтануды насихаттау және тамақтану мәдениетін қалыптастыру» тақырыбында онкүндік іс-шарасын ұйымдастыру туралы
Қазақстан Республикасының Денсаулық сақтау министрінің 2021 жылғы 5 тамыздағы №ҚР ДСМ-76 бұйрығымен бекітілген «Білім беру обьектілеріне қойылатын санитарлық−эпидемиологиялық талаптар» санитарлық қағидалары мен Қазақстан Республикасының Денсаулық сақтау министрінің 2022 жылғы 17 ақпандағы №ҚР ДСМ-16 бұйрығымен бекітілген «Қоғамдық тамақтану обьектілеріне қойылатын санитарлық- эпидемиологиялық талаптар» санитарлық қағидалары мен «Дұрыс тамақтануды насихаттау және тамақтану мәдениетін қалыптастыру» тақырыбында онкүндік іс-шарасын ұйымдастыру туралы Меркі ауданының білім бөлімінің 05.09.2025 жылғы №1516 хатына сәйкес білім беру ұйымында білім алушыларға дұрыс тамақтануды насихаттау және білім алушылар арасында тамақтану мәдениетін қалыптастыру, жалпы оларды тегін тамақпен қамту жұмысының сапасын арттыру мақсатында БҰЙЫРАМЫН:
- 2025 жылдың қыркүйек айының 15-26 күндер аралығында мектепте білім алушыларды бір мезгіл тегін тамақпен қамту жұмысына жауапты мамандар тарапынан «Дұрыс тамақтануды насихаттау және тамақтану мәдениетін қалыптастыру» тақырыбында онкүндік іс-шарасы ұйымдастырылсын.
- Жауапты мамандар тарапынан аталған іс-шараның жоспары құрылсын.
- Онкүндік іс-шарасы аясында төмендегі іс-шаралар ұйымдастырылсын:
- іс-шараның ашылу салтанаты
- «Дәмдінің барлығы пайдалы ма?», «Денсаулық және дұрыс тамақтану мәдениеті» тақырыптарында сынып сағаттары
- «Сіздің талғамыңыз: дәрумендер немесе фастфуд?» тақырыбында білім алушылар арасында пікір-талас
- «Тазалық-ағза саулығының кепілі» тақырыбында дөңгелек үстел
- «Асханаға қош келдіңіз!». Ата-аналар үшін ашық есік күні
- тамақтану сапасы бойынша ата-аналар мен білім алушылар арасында сауалнама жүргізу
- «Білім алушыларды тегін тамақпен қамту жұмысының сапасын арттырайық» тақырыбында тамақтану сапасына мониторинг жүргізу жөніндегі (бракераждық) комиссияның отырысы
- жауапты маман тарапынан мектеп сайтына, әлеуметтік желіге іс-шараның орындалуын жариялау
- іс-шараны қорытындылау
- Іс-шараның қорытынды ақпараты 2025 жылдың 26 қыркүйегінде аудандық білім бөліміне жолдансын
- Іс-шараны тиісті деңгейде ұйымдастыру мақсатында бүгін мектептің педагогикалық ұжымы мен түрлі сала мамандарына онкүндіктің өтуі бойынша жиын өткізілсін.
- Бұйрықтың орындалуын қадағалау директордың оқу-тәрбие ісі жөніндегі орынбасары А.Асилбековаға жүктелсін.
Мектеп директоры Б.Ахметбеков