"Мектепке тағзым"

Болар елдің болашағы баянды болуы үшін, өзінің туған ауылы мен туған жерінің қадір-қасиетін ұғына білетін ұрпақты тәрбиелеу- бүгінгі қоғам алдындағы мүдделі міндеттердің бірі болып отыр. 

Осыған орай  №48 жалпы білім беретін мектебінде 04 – наурыз  күні Қазақстан Республикасының Президенті Н.Ә.Назарбаевтың   «Болашаққа бағдар: рухани жаңғыру» мақаласы  негізінде «Мектепке тағзым!» тақырыбында акция болып өтті. Акцияны ұйымдастырудағы басты мақсаты:  өскелең жас ұрпақ бойында туған елге, Отанға, Атамекенге деген сүйіспеншілікті қалыптастыру. «Мектепке тағзым!»  тақырыбында ұйымдастырылған акцияға  «Жақсылық жасауға асығайық!»  деген атауымен берілген бөлімде мектепті бітіріп кеткен түлектерге сөз берілді. Мектепті 2012жылы бітіріп кеткен  Бақтияр Абдикамалов  сөз барысында мектеп оқушыларына арнайы сыйлық алып келгендігін де тілге тиек етті. Атап айтар болсақ, мектеп оқушыларына спорттық құрал - жабдықтарын сыйлық етіп тапсырды.  Акция барысы одан ары қарай   келген қонақтардың қатысуымен мектеп ауласына  «Түлектер аллеясына» ағаштар отырғызылды.