22
май
2023
Ата-аналар назарына!
№48 жалпы орта білім беретін мектебі 2023 жылғы 31 мамырда оқу сабақтары аяқталатынын назарларыңызға ұсынады.
Соңғы оқу күнінде мектепте бекітілген кесте бойынша сабақтар өткізіледі және оқу күнін сынып сағатымен аяқтайды.
Сынып сағатының мақсаты – оқу жылын қорытындылау және жазғы демалыс кезеңіне балаларды әзірлеу.
Сынып сағаттарының сценарийлерін педагогтер әр сыныптың жас ерекшеліктерін ескере отырып, өз бетінше әзірлейді. Сынып сағатында оқу үшін кітаптар тізімін, сондай-ақ қарауға болатын фильмдер тізімін ұсынып, қауіпсіздік шараларын, алдын ала жоспарланып ұйымдастырылған демалыстың артықшылықтарын, қосымша білім беру ұйымдарына қатысудың тиімділігін, еңбек етудің пайдасын, ата-анаға, ата-әжелеріне көмектесудің қажеттілігін айтады.
Сынып сағатында негізінен патриотизм, отанды сүю, достық, татулық, ел тарихына, саяси репрессия мен аштық құрбандарының есімдеріне құрмет таныту тақырыптарына басымдық берілуі керек.
Оқу жылының аяқталуы бойынша салтанатты іс-шара ағымдағы жылғы 1 маусымда Балаларды қорғау күніне орайластырып және соның форматында өткізіледі.
2022-2023 оқу жылы 85 түлек 9-сыныптарды және 52 түлек 11-сыныптарды бітіреді. Бұл түлектердің алдында болашақ мамандығын таңдау және одан әрі білім алу жолын анықтау тұр.
9-сынып бітірушілер үшін қорытынды мектеп бітіру емтихандары 2 - 13 маусым аралығында өтеді, ал 11-сынып бітірушілер үшін мемлекеттік емтихандар 5 – 19 маусым аралығында болады.
Жалпы орта білім беру туралы аттестатты 11-сынып түлектеріне тапсыру салтанаты 20-22 маусымда өткізіледі.
Мектепте сынып сағаттары мен салтанатты жиын ұйымдастыру кезінде дипломдар мен сертификаттарды салтанатты түрде табыстау болатынын еске салады, педагогикалық этиканы сақтау және сыбайлас жемқорлық құқық бұзушылықтардың алдын алу мақсатында іс-шараларды өткізуге, аниматорларды, демалыс агенттіктерін, жеке студияларды тарту үшін ата-аналардан қаражат жинауға жол берілмейді.
Сонымен қатар, мектеп әкімшілігі мен мұғалімдерге сыйлық ретінде қаражат жинауға тыйым салынады.
Мектеп әкімшілігі