Тамақтанудың сапасына мониторинг жүргізу жөніндегі (бракераждық) комиссия жұмысының ұйымдастырылуы

№48 жалпы орта білім беретін мектебінде оқушылардың сапалы әрі қауіпсіз тамақтануын қамтамасыз ету мақсатында бракераждық комиссия құрылған.

Комиссия құрамы мектеп директорының бұйрығымен бекітілген. Оның құрамына мектеп әкімшілігі, медицина қызметкері, ата-аналар комитетінің өкілдері және асхана меңгерушісі кіреді.

Комиссияның негізгі міндеттері:

• Дайын тағамдардың сапасын күнделікті бақылау;

• Ас мәзірінің бекітілген рационға сәйкестігін тексеру;

• Тағамның дәмін, иісін, түсін, консистенциясын бағалау;

• Тағамның температуралық режимін өлшеп, нормаларға сәйкестігін қадағалау;

• Санитариялық талаптардың сақталуын бақылау;

• Бақылау нәтижелерін арнайы бракераж журналында тіркеу.

Комиссия мүшелері күнделікті асханаға жеткізілген және дайындалған тағамдардың сапасын қарап, қорытындыларын рәсімдейді. Журналға енгізілген жазбалар негізінде тағамның тұтынуға жарамдылығы туралы шешім қабылданады.

№48 ЖОББМ бракераждық комиссиясы оқушылардың дұрыс әрі сапалы тамақтануын ұйымдастыруда маңызды рөл атқарады.